Эрги-Барлык суурнуң көдээ культура бажыңынга Иелер хүнүнге тураскааткан "Кайгамчыктыг кунчушкулар" деп мөөрей болуп эрткенин культура чери дыңнаткан. Аңаа 10 кунчушку эптиг-демниин көргүзүп, киришкен.
Мөөрей беш аңгы чадага эрткен. Бижиктиг-Хая сумузундан Мария, Чойганмаа Хертектер дээди шаңналдың эдилекчилери болуп, "Кайгамчыктыг кунчушкулар-2025" атка төлептиг болганнар.
1-ги черде Эрги-Барлыктан Байлак, Аялга Маадыр-оолдар. 2-ги черде Кызыл-Мажалыктан Мая Хомушку, Уран Соян. 3-кү черде Ак сумузундан Билзимаа Мижит-Доржу, Лавиза Кара-Сал.
"Мерген угаанныг кунчушкулар" – Нина, Вера Хомушкулар, Эрги-Барлык сумузу. "Уран-шевер кунчушкулар" – Сайлык Соян, Чодураа Ховалыг, Аянгаты сумузу. "Салым-чаяанныг кунчушкулар" – Саяна, Январина Ооржак, Ак сумузу. "Холу чемзиг кунчушкулар" – Алдын-кыс Ооржак, Алдын-Сай Хомушку. "Сагынгыр-тывынгыр кунчушкулар" – Серинмаа, Алдынай Хомушкулар, Кызыл-Мажалык суур. "Эптиг-демниг кунчушкулар" – Людмила Саая, Арыя Сарыглар, Аксы-Барлык сумузу.
Мөөрейниң киржикчилерин хүндүлүг бижиктер болгаш өртектиг белектер-биле шаңнап-мактаан.
Хемчегниң эрттирикчилери мөөрейниң киржикчилеринге, ырак-чооктан келген "аарыкчыларга", эрги-барлыкчыларга четтиргенин илереткен.
