Сүт-Хөл кожууннуң төвү Суг-Аксы сумузунга Мани хүртүзүнүң тургузар черин дилээр улуг езулал болуп эрткенин кожууннуң Төлээлекчилер Хуралы дыңнаткан.
Мани хүртүзү – кожууннуң эң көскү чараш болгаш ыдыктыг тураскаалдарының бирээзи апаар.
Тываның Камбы-Лама эргелелинин болгаш Үстүү-Хүрээниң лама-башкылары, Дамба Брайбулин хурээзинин ширээти-ламазы Орланмаадыр Ондар, Сүт-Хөлдүң камбы-лама башкызы Олег Сарыглар саңга ак чемниң дээжизин өргүп тура бумбаны артыш-биле айызааш, беш аңгы кадак өңнери-биле будуп, сиилбип кылган тускай хааржакка шыгжап, арат чонга буян-кежик кыйгырган улуг номналды номчуп, Мани хүртүзүнүң турар черин оран-делегей, ие-черден дилээр езулалды эрттирген.
Кожууннуң удуртулгазы Камбы-Лама эргелелинин, Үстүү-Хүрээниң, Дамба Брайбулин хурээзинин лама-башкыларынга сүт-хөлчүлерниң мурнундан четтиргенин илереткен.
