Күрүнениң Кремль ордузунуң Улуг залынга чылдың-на Кремльдиң Чаа чыл байырлалы эртип турар. ТР-ниң Өөредилге яамызы декабрь 25-те Күрүнениң Кремль ордузунга Елкага киржир уругларның даңзызын тургускан.
Тывага тускайлаан чалалга езугаар, өөредилгениң тергииннери, олимпиадалар, спартакиадалар, фестивальдар тиилекчилери, өскүс, кадыкшылының байдалы-биле харык-шинээ кызыгаарлыг уруглар, хөй ажы-төлдүг өг-бүлелерниң уруглары, тулчуушкунга аар кемдээшкин алган азы маадырлыы-биле чок болган тускай шериг операциязының киржикчилериниң уругларының аразындан 8 хардан 10 харга чедир назылыг 16 оол биле уругну шилип алган.
ТР-ниң Өөредилге яамызының дыңнатканы-биле алырга, республикадан киржир кордакчыларны шилиирде, организакчыларның ажылдап кылганы бүгү-российжи Кремль Елказынга киржир кордакчыларны шилиир чуруму езугаар чоруткан, ында амы-тынындан чарылган азы аар кемдээшкиннер алган тускай шериг операция киржикчилериниң ажы-төлүнче кол кичээнгейни угландырган. Албан черлер аразының комиссия деңнелинге бөлүктер аайы-биле уругларны шилээн. Уругларны улуг улус эдертип чоруур.
2025-2026 чылдың театржыткан бөлүк көргүзүглери декабрь 25-те эгелээр. Улуг залга болур Кремль Елказының киржикчилеринге «Шактың кайгамчыктыг даажы» деп хөгжүмнүг оюнну көргүзер. Тоолду ийи кезекке бараалгадыр: театржыткан болгаш интерактивтиг. Көрүкчүлер көргүзүг соонда, тоолдуң маадырлары-биле кады кайгамчыктыг байырлалды уткуурунга белеткенип, Чаа чылдың шивизинде сайылганнарны кыпсып, белекти алырлар.
Обращение жильцов дома по ул. Улуг-Хемской, 8 взято на контроль
По итогам прошедшей накануне Прямой линии Главы республики Владислава Ховалыга сегодня состоялась встреча с жителями нового дома по улице Улуг-Хемской, 8 в Кызыле, которые пожаловались руководителю р…
