«Өлчей» лицейинге Ак-Довурак хоорай болгаш Барыын-Хемчик кожууннуң школаларының 5-8 класстар аразынга «Тыва ча адар оюн: баг адар хевири», «Тыва ча адар оюн: борбаанды адар хевири» болгаш «Кажык-биле оюн: аът чарыштырар хевири» мөөрейлерни эрттиргенин чагырга чери дыңнаткан.
Шагаа байырлалынга тураскааткан баг адар маргылдаага Шекпээр ортумак школазының өөреникчилери эки түңнелдиг болган. Шекпээрниң бичии багжызы Эртине Артына бүгүдени кайгаткан. Ол чээрби ийи санга чедир аткаш, чайынналчак тиилелгени чедип ап, бирги черге төлептиг болган.
Ол-ла школаның өөреникчизи Уран-Даш Ховалыг ийиги черге төлептиг болган, Уранса Монгуш алдыгы черни чаалап алган. Уруглардан Номина Ооржак алдыгы черни ээлээн.
Шекпээр ортумак школазының өзүп орар адыгжыларын Тываның шыырак багжыларының бирээзи Чадаң-Кат Ооржак белеткеп турар. Чагырга чери школаның директору, тыва чаның баг адар хевирин сайзырадып турар башкы Анзор Кууларга моон-даа соңгаар спортчу чедиишкиннерни күзээн.
Тыва ча адар оюн: баг адар хевиринге бирги-ийиги черлерни Эртине Артына биле Уран-Даш Ховалыг (Шекпээр) ээлээн. Үшкү черге Батыр Монгуш («Өлчей» лицейи).
Тыва ча адар оюн: борбаанды адар хевиринге «Өлчей» лицейиниң өөреникчилери Уран-Сай Очур-Бады, Аюша Ооржак, Менгилеш Херелчап олар шаңналдыг черлерже кирген.
Кажык-биле оюн: аът чарыштырар хевиринге бирги черни үш дугаар школаның өөреникчизи Аран Ензак ээлээн. Ийиги-үшкү черлерде «Өлчей» лицейиниң адыгжылары Айдаш Хертек биле Адыгжы Хертек.
