ТР-ниң Экономиктиг хөгжүлде болгаш үлетпүр яамызы бодунуң күш-ажылы-биле сайгарлыкчы чорукту, спортту болгаш аныяк-өскенниң кижизидилгезин каттыштырып турар мөгениң дугайында таныштырылганы белеткээн.
Сайгарлыкчы мөге 2021 чылда ТР-ниң Экономиктиг хөгжүлде яамызының боттандырып турар «Биче болгаш ортумак сайгарлыкчы чорук база хууда сайгарлыкчы эгелээшкинни деткиири» национал төлевилелдиң грант алыкчызы болганын яамы дыңнаткан.
Эрес Кара-Сал – Тываның Күчүтен мөгези, сайгарлыкчы, «Алдар» кызыгаарлаан харыысалгалыг ниитилелдиң чиңгине директору, элээди мөгелерге тыва хүреш өргээзиниң удуртукчузу.
Күчүтен мөге республиканың экономиказының болгаш биче болгаш ортумак бизнес адырының хөгжүлдезинге үлүг-хуузун киирип, социал угланыышкынныг бизнести чедиишкинниг хөгжүдүп турар
Күрүне деткимчениң ачызында ол сайгарлыкчы ажыл-чорудулгазын улгаттырып, социал деңнели чавыс өг-бүлелерден хөй уругларны хаара тудуп шыдаан.
