Шаг-шаандан тура, тыва эр кижиниң салым-чолу эзертээштиң мунуп чоруур эки аъды-биле тудуш. Бурун шагның чечен-мерген, маадырлыг тоолдарында-даа, эрес, маадыр тыва эрниң овур-хевирин чуруп көргүскен чогаалдарда-даа — оларның тудуш, сырый харылзаазын кайгамчыктыг уран дыл-биле чечен-мерген сөстүң дарганнары сиилбип бижээнин билир болгай бис. Шынап-ла, аът — тыва эр кижиниң шынчы өңнүү, ажыл-ижинге чөлеңгиижи, ал-бодунга чоргаарал. Бо бүгүнү бадыткап турар республика чергелиг солун мөөрей — «Сыдым байырлалы» Кызыл кожуннуң Кур-Чер сумузунуң Культура төвүнге болуп эрткен.
Бо көрүштүг, мөөрейлиг байырлалды эң-не баштай Тес-Хем кожуунга 2015 чылда эрттирип эгелээн. «Экини эдерер» дээр болгай. Байырлалдың онзагай чаражын үнелеп, дараазында чылдарда ону Кызыл кожууннуң Шамбалыг сумузунуң культура ажылдакчылары Саид Чүльдүктүң болгаш ус-шевер башкы Тамара Доржуевна Ондарның эгелээшкини-биле кожуун хемчээлдиг кылдыр эрттирип эгелээн. Чыл боорга-ла, байырлал улам аян-шинчи кирип, киржикчилерниң саны көвүдеп, негелделери үениң аайы-биле нарыыдап, өскерлип турары өөрүнчүг. Бир дугаар кожуун мөөрейинге кымчының аңгы-аңгы хевирлеринге болгаш чиримни өрүүрүнге, 2 дугаар мөөрейге сыдымны кылырынга, дараазында чылын чүген,чулар баглаарынга тергииннерни илереткен.
https://www.facebook.com/shyntuva/posts/2654539537958435
Владислав Ховалыг поздравил работников СМИ с 65-летним юбилеем Союза журналистов Тувы
Сегодня Глава Тувы Владислав Ховалыг поздравил работников СМИ республики с 65-летним юбилеем Союза журналистов Тувы и Всемирным днем телевидения.
