Тываның гуманитарлыг болгаш тускай шинчилелдер институдунга Тываның Баштыңы Владислав Ховалыгның киржилгези-биле национал дылды кадагалап арттырарының болгаш дыл политиказын боттандырар талазы-биле күрүне комиссиязының хуралы болуп эрткен.
Тыва дылды деткиириниң болгаш хөгжүдериниң 2024-2033 чылдарда эчис сорулгазының төлевилелин бирги номчулгада хүлээп алган. Чоокку үеде күрүне комиссиязы эксперттерниң санал-оналдарын чыып, немелде сайгарылгалыг хуралды эрттирер.
Национал культураның быжыг үндезини дылывыста. Тыва дылды кадагалап арттырары, сайзырадып хөгжүдери, бүгү адырларга орус дыл-биле кады ону ажыглаары конститусчу нормалар-биле быжыглаттынган.
Тываның күрүне комиссиязы тыва дылды хөгжүдериниң, амгы үениң чурагайлыг технологиялар ажыглалы-биле ийи дылдың аяннашкаан хевирлээр эчис сорулгазын ажылдап кылган.
– Тыва дылдың чоокку он чылда хөгжүлдезин, күрүнениң талазындан шак бо угланыышкынга кандыг хевирлиг деткимче негеттинип турарын тускай тургустунган Тываның күрүне комиссиязының хуралынга чугаалашкан.
Чөвүлелче кол нургулайында эртемденнер – республиканың дыл эртемденнери кирген. Олар тыва дылды кадагалап арттырар болгаш хөгжүдер талазы-биле эчис сорулганың төлевилелин ажылдап кылган – деп, Владислав Ховалыг соцчеткилерде бижээн.
Тываның Баштыңы республиканың Дээди Хуралының (парламентизи) депутаттарынга 2023 чылда бодунуң Айыткалында ындыг эчис сорулганы ажылдаар даалганы эртемденнерге бергенин сагындыраал.
️В Минтопэнерго Тувы чествовали коллектив Банно-прачечного комбината в честь 60-летия предприятия
В Министерстве топлива и энергетики республики прошло торжественное мероприятие, посвященное знаменательной дате – 60-летию со дня образования ООО «Банно-прачечный комбинат».
