Тываның Баштыңы 2025 чылды Тывада Ада-чурт камгалакчызының чылы кылдыр чарлаан

Май 9-та чуртувустуң эӊ-не кол болгаш ыдык байырлалын демдеглээр бис.

– Россияның Президентизи бо чылды Ада-чурт камгалакчызының чылы кылдыр чарлаан, ол дээрге ийи аңгы салгалдарны, 1945 чылдың тиилекчилери-биле бо хүнде төрээн чуртун камгалап турар маадырларывысты каттыштырып турар хемчег.

Владимир Путинниң шиитпиринге каттышпышаан, 2025 чылды Тывага база Ада-чурт камгалакчызының чылы кылдыр чарлаарын саналдап тур мен – деп, Владислав Ховалыг медеглээн.

Тываның Баштыңы [id360104045|Владислав Ховалыг] Айыткалының үезинде Ада-чурттуң Улуг дайынының хоочуннарынга болгаш киржикчилеринге деңнеп кааннарга чаңгыс удаа бээр төлевирни (50000 рубль) тыпсырын дыңнаткан. Ол ышкаш муниципалдыг деткимче хемчеглерин ажылдап кылыры эргежок чугула дээрзин айыткан.

Чылдың эң чугула болуушкуннарның бирээзи – Ада-чурттуң Улуг дайынының маадырлары – Шумов алышкыларга тураскаалдың ажыдыышкыны.

Тываның эрес-дидим дайынчылары амгы үеде тускай шериг операциязында киржип турар. Төөгүлүг чылда, сентябрь 1-де, хары черге бажын салган дайынчыларга Ада-чурт камгалакчыларының база бир тураскаалын тургузар.