Февраль 9-та чалыы армейжилер болгаш 8, 10 классчы кадеттер ортузунга «Z поэзия» уран номчулга мөөрейи болуп эртерин ТР-ниң Өөредилге яамызы дыңнаткан. Хемчегни Улуг Тиилелгениң 80 чылынга база Ада-чурт камгалакчызының чылынга тураскааткан.
Хемчегниң кол сорулгазы – тускай шериг операциязының киржикчилериниң маадырлыг чоруунуң үлегер-чижээнге аныяк-өскенниң ада-чуртчу үзел-бодалын хевирлээри, шериг хүлээлге күүселдезинге хүндүткелди кижизидери.
– Фестиваль-мөөрей салым-чаяанныг аныяктарның шөлчүгежи болур, олар Төрээн чурт камгалакчыларының маадырлыг чоруунуң дугайында шүлүктерниң уран номчулгазын бараалгадыр. Оолдар, уруглар чүгле боттарының салым-чаяанын көргүзер эвес, а жюри кежигүннеринден үнелиг арга-сүмени алырлар – деп, “Аныяк армия” хөй-ниити шимчээшкининиң регионалдыг штавының удуртукчузу Айдың Шивидек чугаалаан.
Фестиваль-мөөрейни «Аныяк армия» шериг-ада-чуртчу хөй-ниити шимчээшкининиң регионалдыг салбырның деткимчези-биле Кызылда Президентиниң кадет училищези эрттирер.
Дата в истории. 17 марта 1951 года Салчаку Тока присуждена Государственная премия СССР
Сегодня, 17 марта, исполняется 75 лет с тех пор, как видному государственному деятелю, народному писателю Тувы Салчаку Тока была присуждена Государственная премия СССР за книгу «Слово арата».
