Национал школа хөгжүдер институттуң ажылдакчылары Эрзин кожууннуң Бай-Даг сумузунуң тевежилери, Наадымның каш дакпыр киржикчилери –Буянды Николаевич болгаш Марита Шактаровна Назыннарның аал-коданынга чедип, малчыннарның ажыл-ижи-биле танышканын институт дыңнаткан.
Бай-Даг сумузунуң девискээринде "Бай-Хөл" деп көдээ ажыл-агый кооперативинде уксаалыг теве малды азырап турар.
Институттуң ажылдакчылары теве ажыл-агыйының онзагайларын шинчилеп, өөредилгеге херек аудио, видеоматериалдар чыып, экспедицияны кылган.
Чыгдынган материалдар институттуң үндүрүп турар өөредилге-методиктиг болгаш эртем-шинчилел ажылдарынга ажыглаттынар.
