Тываның Алдан-Маадыр аттыг Национал музейиниң төөгү болгаш чурт шинчилел салбырының Кунгуртуг сумузунда эргелекчизи, кадагалакчызы, медээлекчизи Серенмаа Хомушкунуң каш ай бурунгаар бажыңы өрттенген.
Эне «Ойна» алдын тывыш артелиниң удуртулгазынга четкеш, бажың тудуп алыры-биле ыяш хереглеттинип турарын чугаалаан.
Алдынчылар Тыва Республиканың алдарлыг ажылдакчызын, күш-ажылдың хоочунун, херээженнер шимчээшкининиң идепкейжизин болгаш хөй-ниитижизин деткип, тудуг материалдары садып алыр акша-төгерик-биле дузалашкан.
“Бир эвес арга бар болза – дузалаар херек. Ылаңгыя бүгү назынында өскелер дээш ажылдап чораан хоочуннарга” – деп, алдынчылар санап турар.
