Эрзин кожууннуң Туризм сайзырадыр төвүнге аныяк чурукчу Баазан-Доржу Кулдун арт-кичээлди эрттиргенин чагырга чери дыңнаткан.
Хемчегге аныяктар болгаш уруглардан аңгыда өөредилге адырының хоочуну, Нарын школазының чурулга башкызы, тускай шериг операциязының үезинде маадырлыы-биле чок болган дайынчының авазы Ольга Эртинеевна, «Энерел сеткилдиң сады» автономнуг коммерциялыг эвес организацияның төлээлери, Курандан аалчы база киришкен.
Салым-чаяанныг башкының чогаадыкчы ажылдары чалыы чурукчуларны сорук киирип, оларның мурнунга езулуг уран чүүл делегейиниң эжиктерин ажыткан.
Арт-кичээлдиң киржикчилери дуржулгалыг дагдыныкчының удуртулгазы-биле чурулга техниказының үндезиннерин өөренип, чогаадыкчы арга-шинээн ажыткан.
Хемчег киржикчи бүрүзүнүң ажылдарының сайгарылгазы-биле доозулган.
Баазан-Доржу Кулдун – Эрзинниң Д.Б. Кежиктиг аттыг уругларның уран чүүл школазының А.Д. Седипков аттыг чурулга салбырының башкызы. Ол хөй-ниити ажылдарының идепкейжизи.
