2025 чылдың декабрь 16-дан эгелеп, Күрүне ачы-дузалары порталынга тускай шериг операциязының киржикчилеринге чаа ачы-дуза ажылдап эгелээн. Бо сервис эрге-байдалын таныштырарынга электроннуг бадыткалды бөдүүнчүткен арга-биле бээр.
Тываның Чазаа биле Россияның чурагайлыг хөгжүлде, харылзаа болгаш массалыг информация чепсектериниң яамызы ол ачы-дузаны кады ажылдап кылган. Тускай шериг операциязының киржикчизи бүрүткел соонда тускай QR-кодту алыр. Ол код культурлуг болгаш спортчу хемчеглерже чиигелделиг кирерин чөпшээрээр.
ТР-ниң Культура, Чурагайлыг хөгжүлде, Күш-ажыл яамыларының база «Ада-чурт камгалакчылары» күрүне фондузунуң төлээлери киришкен ажылчын хуралга Тываның культура сайыды Виктор Чигжит билеттер бээриниң чурумун бөдүүнчүдүп, маадырларны ам-даа деткиири чугула дээрзин демдеглеп, күрүне фондузу база иелер комитеттери-биле кады ажылдаарынче иштежилерн кыйгырган.
Күрүне фондузунуң социал координатору Оюма Банчык театрлар болгаш күрүнениң культура албан черлеринде концерттерни халас көөр эргелиг тускай шериг операциязының киржикчилериниң өг-бүлелеринге культурлуг хемчеглерже чиигелделиг кирери онза хереглелде деп демдеглээн.
Тываның культура албан черлери тускай шериг операциязы эгелээнден бээр тускай операция киржикчилерин болгаш оларның өг-бүлелерин идепкейлиг деткип турарын сагындыраал.
Дараазында ачы-дузалар кол болуп арткан:
- Национал музейниң болгаш ооң салбырларының доктаамал болгаш түр үениң делгелгелерин халас көөр эрге;
- республикада концерттер, шиилер болгаш өске-даа культурлуг болуушкуннарынче халас билеттерни бээри.
Чаа чурагай сервизи тускай шериг операциязының киржикчилеринге чиигелделер алырын эптиг кылдыр кылган.
В Улуг-Хемском районе самозанятым, занимающимся огородничеством, предоставят семена
Руководство Улуг-Хемского района совместно с территориальным отделом Центра занятости населения Республики Тыва провели рабочие встречи с руководителями предприятий, главами крестьянско-фермерских хо…
