«Барыын-Хемчиктиң эки турачылары» номну Ада-чурттуң Улуг дайынынга киришкен Барыын-Хемчик кожууннуң тыва эки турачыларынга тураскааткан.
Чыындыны тургузарынга журналистер, чогаалчылар, эртемденнер база аңгы-аңгы школаларның башкылары, өөреникчилер идепкейлиг киржип, үлүг-хуузун киирген. Ында 29 тыва эки турачының чырык овур-хевирлери кезээ шагда уттундурбас арттып калыры-биле, оларның тулчуушкунга эрес-дидим, маадырлыг чоруун база дайын соонда ажыл-ижиниң дугайында очерктер, эсселер, сактыышкыннарны чырыткан.
Хоочун журналист С. Хертектиң Совет Эвилелиниң Маадыры Чүргүй-оол Хомушкунуң дугайында «Чоннуң төлептиг оглу» база Чодураа Хопуяның Тываның баштайгы ужудукчуларының бирээзи кырган-ачазы Хопуя Ховалыгның «Кырган-ачамның портреди», чогаалчы С.Сүрүң-оолдуң «Дайынчы эш» деп сактыышкыннарны база өске-даа эгелерни бижээни солун.
Барыын-Хемчиктиң эки турачылары : очерктер, эртем ажылдары болгаш шинчилелдер чыындызы ; / ред. болгаш тург. Б.О. Куулар ; Барыын-Хемчик кожууннуң чагырга чери. – Кызыл: ТывНҮЧ, 2015. –125 ар. – Сөзүглел : дорт.
