Улуг-Хемниң кожууннар аразының А.Т. Балган аттыг эмнелге төвүнде «Узун болгаш идепкейлиг назын» национал төлевилелдиң күүселдези-биле реабилитация салбыры ажыттынганын чагырга чери дыңнаткан.
Салбырының улуг эмчизи Алена Монгуштуң тайылбырлааны-биле, ында чигир аарыындан, хан базыышкынындан, хан-дамыр эргилдезинден, сөөк-даяк, тыныш аарыгларындан дээш, оон-даа өске, сагыш-сеткили ундарап, уйгу-дыжы чидип, психологтуг дуза херек аарыг кижилерге чедир дузаны чедирип турар.
Чаа дериг-херекселдер аразында бут кырынга туруп шыдавас, олурар аарыг кижиниң узунун болгаш деңзизин электроннуг деңзилер хемчээп, килдептер аргалыг. Ол ышкаш хөрек кезээ шимчевес, кылаштаарга бажы дескинер кижилерге, хан базыышкынының түңнелинде «чартыктай берген» улуска тренажерлар, оорга кезээнге нугуушкун кылыр дээш оон-даа өске дериг-херекселдерни эптеп салган.
Амбулаторлуг реабилитация салбырының улуг эмчи сестразы Чодураа Хомушку, клиниктиг психолог Аңгырак Натпит-оол. Уйгу-дыжы чидип, психологтуг дүвүрээзинге алзып, нерв системазында өскерилгелер тыптып турар апарган кижилерге клиниктиг психолог база тускай аппарат-биле эмнээшкинни чорудар. Шак ындыг эмнээшкин сагыш-сеткил эмнээшкининге улуг салдарны бээрин эмчи сүмелеп турар.
Эмчилерже кирерде, баш бурунгаар Күрүне ачы-дузалары порталынга, телеграмда куар-код-биле ээлчегге бижиттирип алыр.
