«Тываның аныяктары» солуннуң редакциязы ТР-ниң Национал театрынга болуп эрткен республика чергелиг «Виват, кадет!» кадеттер балының дорт эфирин чоруткан.
Социал четкилерде «ТА»-ның бөлүктерин сайгарып көөр болза, контактыда арнында киржикчилер дорт эфирни аажок сонуургап, бал төнгүжеге чедир өжүрбезин дилеп турган. Кадеттер балының дорт дамчыдылгазын Эрзин, Бии-Хем, Сүт-Хөл, Улуг-Хем, Тес-Хем дээш барык шупту кожууннар көрген. А чамдык ада- иелер балда киржип келген уругларының танцы-самын дорт дамчыдылга таварыштыр көргенинге аажок өөрүп, четтиргенин илереткен.
Сүт-Хөл кожуундан ава Шолбан Монгуш (дорт эвирни көрүп турган адыСай-Даш Ооржак): - Кадеттер балында уруум эш-өөрү-биле киржип четкен, ынчангаш силерниң дорт дамчыдылгаңарны дыка сонуургадым. Сүт-Хөл кожууннуң Суг-Аксы суурундан киржип четкен уругларны тода тырттырып бергениңер дээш четтирдим.
Уруум Аюжана черле хөй-ниитичи кижи. Ол — Суг-Аксы ортумак школазының 6 "б" клазының өөреникчизи. 2018 чылдан тура, кадет класста өөренип эгелээн. Эртемге онза сонуургалдыг, номчуттунарынга ынак. Тыва улустуң хөгжүм херексели игилге хостуг ойнаар. Аюжана бичиизинден тура, школада база кожуунда эртип турар янзы-бүрү мөөрейлерниң идепкейлиг киржикчизи. Амгы үеде клазының башкызы — Күжүгет Чочагай Иритиновна. Уругларны бүгү талазы-биле өөредип, ыры-танцыга, эртемге сонуургалын оттуруп турар башкылар бисте ажылдап турары чоргааранчыг.
Эрзин кожууннуң Нарын суурундан Ажаана Дудуп: - Мен база Эрзинниң Нарын ортумак школазын дооскан мен. Ынчангаш нарын школазының өөреникчилери танцылап үнүп келирге, сагыш-сеткилим дүвүреп, көрүп олурдум. Дорт эфирни кылып турарыңар эки-дир.
Республика чергелиг «Виват, кадет!» балы дөрт дугаар чыл улаштыр эртип, республиканың ырак-чоок булуңнарындан кадет класстарны база юнармейжи отрядтарны хаара туткан.
Кадеттер балын Россияда Алдарның болгаш сактыышкынның чылынга тураскаадып эрттирген, уругларның танцылары шупту дайын чылдарының темазынга хамаарышкан. ТР-ниң Чазааның оралакчызы, жюри даргазы Светлана Ощепкова ТАР-ның, тыва чоннуң улуг Тиилелгеге киирген үлүг- хуузун демдеглээш, амгы үениң кадеттери, юнармейжилер эрес-дидим дайынчы езу-чаңчылдарның уламчылакчылары болурун сагындырган. Алдарның болгаш сактыышкын чылын таварыштыр балга Ада-чурттуң улуг дайынының киржикчилерин чалаан.
Кадеттер балынга киржир күзелдиглер чылдан чылче немежип турар. Эрткен 2019 чылда 14 команда киришкен болза, бо чылын командаларның саны 35 четкен. Киржикчилерниң ниити саны 420 база 100 ажыг башкылар келген. Ол ышкаш балдың элээди назы-харлыг киржикчилери «Балдың тажызы» база «Балдың даңгыназы» деп мөөрейге киришкен.
Алена НАН-ХОО
В. Шайфулин чуруктарны тырттырган
Социал четкилерде «ТА»-ның бөлүктерин сайгарып көөр болза, контактыда арнында киржикчилер дорт эфирни аажок сонуургап, бал төнгүжеге чедир өжүрбезин дилеп турган. Кадеттер балының дорт дамчыдылгазын Эрзин, Бии-Хем, Сүт-Хөл, Улуг-Хем, Тес-Хем дээш барык шупту кожууннар көрген. А чамдык ада- иелер балда киржип келген уругларының танцы-самын дорт дамчыдылга таварыштыр көргенинге аажок өөрүп, четтиргенин илереткен.
Сүт-Хөл кожуундан ава Шолбан Монгуш (дорт эвирни көрүп турган адыСай-Даш Ооржак): - Кадеттер балында уруум эш-өөрү-биле киржип четкен, ынчангаш силерниң дорт дамчыдылгаңарны дыка сонуургадым. Сүт-Хөл кожууннуң Суг-Аксы суурундан киржип четкен уругларны тода тырттырып бергениңер дээш четтирдим.
Уруум Аюжана черле хөй-ниитичи кижи. Ол — Суг-Аксы ортумак школазының 6 "б" клазының өөреникчизи. 2018 чылдан тура, кадет класста өөренип эгелээн. Эртемге онза сонуургалдыг, номчуттунарынга ынак. Тыва улустуң хөгжүм херексели игилге хостуг ойнаар. Аюжана бичиизинден тура, школада база кожуунда эртип турар янзы-бүрү мөөрейлерниң идепкейлиг киржикчизи. Амгы үеде клазының башкызы — Күжүгет Чочагай Иритиновна. Уругларны бүгү талазы-биле өөредип, ыры-танцыга, эртемге сонуургалын оттуруп турар башкылар бисте ажылдап турары чоргааранчыг.
Эрзин кожууннуң Нарын суурундан Ажаана Дудуп: - Мен база Эрзинниң Нарын ортумак школазын дооскан мен. Ынчангаш нарын школазының өөреникчилери танцылап үнүп келирге, сагыш-сеткилим дүвүреп, көрүп олурдум. Дорт эфирни кылып турарыңар эки-дир.
Республика чергелиг «Виват, кадет!» балы дөрт дугаар чыл улаштыр эртип, республиканың ырак-чоок булуңнарындан кадет класстарны база юнармейжи отрядтарны хаара туткан.
Кадеттер балын Россияда Алдарның болгаш сактыышкынның чылынга тураскаадып эрттирген, уругларның танцылары шупту дайын чылдарының темазынга хамаарышкан. ТР-ниң Чазааның оралакчызы, жюри даргазы Светлана Ощепкова ТАР-ның, тыва чоннуң улуг Тиилелгеге киирген үлүг- хуузун демдеглээш, амгы үениң кадеттери, юнармейжилер эрес-дидим дайынчы езу-чаңчылдарның уламчылакчылары болурун сагындырган. Алдарның болгаш сактыышкын чылын таварыштыр балга Ада-чурттуң улуг дайынының киржикчилерин чалаан.
Кадеттер балынга киржир күзелдиглер чылдан чылче немежип турар. Эрткен 2019 чылда 14 команда киришкен болза, бо чылын командаларның саны 35 четкен. Киржикчилерниң ниити саны 420 база 100 ажыг башкылар келген. Ол ышкаш балдың элээди назы-харлыг киржикчилери «Балдың тажызы» база «Балдың даңгыназы» деп мөөрейге киришкен.
Алена НАН-ХОО
В. Шайфулин чуруктарны тырттырган
